නෙළුම් විල |
| ''සිරස එන්ටර්ප්‍රයිසස් '' ලා චැපල් හන්දිය ... Posted: 14 Aug 2011 07:03 PM PDT  වැඩි අනන් මනං නැතුව ඔන්න කෙලින්ම කතාවට . පැරිසියේදී කෑම බීම නම් ටිකක් මිල අධිකයි. ඒත් අපිට නම් ඒක ප්‍රශ්නයක් වුනේ නැහැ . අපේ නෑ කමින් අය්ය වෙන කෙනෙක් කාලයක් තිස්සේ එහෙ පදිංචි වෙලා ඉන්නවා . ''මල්ලිලා කිසි දේකට බය වෙන්න එපා . ලංකාවේ ඕනෑම කෑමක් මෙහෙ තියෙනව .'' ඔය කිව්වට මන් හිතුවේ කඩයක් දෙකක් කියලයි. මේකනේ වැඩේ . ලා චැපල් වලින් බැහැල පාර පැන්න ගමන් සිංහල දෙමල නාම පුවරු එල්ලිලා පෝලිමට ..පාර දිගේම . අපේ සිත් ප්‍රීතියෙන් පිනා ගියා . ග්‍රොසරි කඩවල අපේ රටේ ඕන ම දෙයක් ඒ කිව්වේ පලා කොලේ සිට අනුරාධපුරේ හාල් ..මන්චි ..මැලිබන් ..ඇතුළු සියලුම ලංකික වෙළඳ නාම දැක්ක. පුංචි පුංචි සයිවර් කඩ ඉතින් වැල්ලවත්ත වගේ තමයි. ඉස්සර පොඩි පොඩි ප්‍රශ්න තිබ්බලු . ඒත් දැන් නම් දෙගොල්ල බොහොම සමගියෙන් ව්‍යාපාර කටයුතු කරගෙන ඉන්නවා . ඒ ගැන ඉතින් අපට බොහොම සතුටුයි.  මන් එහෙම වුනාට අපේ ලොක්කිලගේ පරම්පරාව ඕකට ටිකක් අකමැතියි. අම්ම දකින දකින කෙනත් එක්ක කියවන්න යනවනේ . එයාට ලැජ්ජයි කියන්නේ . ඒ ගොල්ලෝ ඉතින් ''හායි'' කියල කට කොනකින් හිනා වෙලා නිකම් ඉන්න පරම්පරාවේනේ. මන් නම් හරිම කැමතියි කොහේදී හරි ලාංකිකයෙක් නෙමේ ලංකාව උඩින් පියාඹපු කපුටෙක් හරි දකින්න ලැබෙනවා නම් . නගරයෙන් බොහොම ඈත ඒ කියන්නේ නගරය පුරා දිවෙන දුම්රිය ජාලෙනුත් එලියට ඇවිත් ''අහස් කවුතුකාගරේට '' යන්න තව බස් එකක නගින්න ඉදිද්දී මෙන්න බඩු මලු දෙකකුත් උස්සගෙන ලාංකිකයෝ දෙන්නෙක්. අපෝ ලංකාවේ මිනිස්සු ඕපාදුප හොයනවා . කිසි කමකට නැහැ කියල මට වුනත් වෙලාවකට හිතිලා තියෙනව . ඒත් ඒ අපේ ''නරක '' මිනිසෙක් දහසක් ආගන්තුකයින් අතර හමු වී බලන්න ...ඔහු ලඟම නෑයෙක් ලෙස මට දැනෙන හැඟීම ඔබටත් දැනේදැයි බලන්න . බ්ලොග් ලිවීමෙනුත් මා ලබන්නේ ඒ වගේම සතුටක් ...ජිවන ගමනේ නොදැන සිටි නෑයන් හමු වීම ...  මේ කෙටි ලිපිය මට වඩා ඕන වුනේ බනිලගේ තාත්තට . හැමදාම මට කරදරේ පැරිසියේ හමු වුන ලංකාවේ අය ගැන ලියන්න කියල . ඔන්න ලිව්වා .. මතු සම්බන්ධයි ...   |
| You are subscribed to email updates from නෙළුම් විල To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment