නෙළුම් විල |
| සපත්තුව නැති වූ සින්ඩරෙල්ලා....සහ තවත් පර්ත් කතා Posted: 18 Feb 2012 06:58 AM PST ඕනෑම රටක නගරයක මට නම් හොඳම තැන කෞතුකාගාරය ..දවස් දෙකකට අඩිස් අබාබා ගිය වෙලාවෙත් කොහොම හරි කටු ගෙට යාගන්න අමතක කලේ නැහැ .ඒ වගේම පර්ත් වල කටුගෙට ගිය ගමනත් කිසිසේත්ම පාඩුවක් වුනේ නැහැ . අපේ බනිලගේ තාත්ත නම් ඒ තරම් ඉතිහාසයේ කුණු කන්දල් අවුස්සන්න කැමති නැති වුනත් ඉතුරු තුන් දෙනාම නිසා ඔප දුපා සෙවීමේ සහජ උරුමය ලත් කාන්තා පක්ෂයේ වීම නිසා කටුගෙදර ගමන අනිවාර්ය වෙනවා . අපේ බනිය නම් කකුල් රිදෙන තරම් ඇවිදින්න හොරයි . පර්ත් දුම්රිය පොලින් අරන් දුන්න අයිස් ක්‍රීම් කප්පම නිසා එයා අන්තිමේදී කැමති වුනා. නගර මාධ්‍යය සම්පුර්ණයෙන්ම වගේ ආවරණය කරන ''කැට්'' බස් සේවය හරිම අපුරුයි . දියුණු නගර වල ඉන්න අයට මේවා අලුත් දේවල් නොවුනත් මේක කියවන ගොඩක් දෙනෙක්ට මේක අලුත් සංකල්පයක් බව මන් දන්නවා . මටත් ඇතුළුව . පැරිසියේදී මේ වගේ බස් සේවයක් තිබුන වුනත් අපි වැඩිපුරම ගියේ කෝච්චි වල . පර්ත් වල දුම්රිය සේවයත් ඉතාම හොඳයි . සල්ලි ඇති රටවල්නේ. සිතියම හෙම බලල අපි කෞතුකාගාරයට යන්න හැකි නිල් පාට කැට් බස් රථයකට නැග ගත්ත . මේ බස් වල සේවය නොමිලේ . සංවර්ධිත රටක වෙනස නේද . පර්ත් කටුගෙය නොමිලේ නරඹන්න හැකියි . කොටස් කීපයකින් යුක්තයි . ස්වභාවික විද්‍යා අංශයටයි මගේ සිත වැඩියම ඇදුනේ ... ඕස්ට්‍රේලියාවේ සත්ව සහ ශාක ප්‍රජාව එයට විශේෂිත වුවක් . marsupials එහෙම නැත්නම් පැසක දරුවන් රඳවා සිටින සතුන් කාණ්ඩය ඔස්ට්‍රේලියාවට ආවේනිකයි . මන් ඕවා ඉගෙන ගත්තේ ටිකක් කලකට පෙර නිසා දැන් පිළිවෙලකට සත්ව කාණ්ඩ මතකයෙන් බෙදීමට හැකියාවක් නැහැ . එහෙත් අවැසි විටක කියවා මතක් කර ගන්නට හරිම ආසා විෂයක් තමයි ඔය . ඉගෙන ගන්න කාලයේ මේ වගේ තැන් වලට එන්නට ලැබුන නම් කොයිතරම් හොඳද . හැබැයි අපේ රටේ තරමට අපේ සත්තු වත්ත ඉතාම ඉහල මට්ටමක තියෙනවා . කොළඹ පාසලකට ගිය නිසා කීපවතාවක් අපගේ පැවරුම් කටයුතු සඳහා සත්තු වත්තට යාමට වාසනාව ලැබුන අයෙක් මන් . එක්තරා ප්‍රදර්ශනයකට ගෙඹි රූපාන්තරණය පෙන්වන්නට අපට ඕනා උනා . ගෙම්බන් අල්ලා ගැනීම ඒ කාලයේ අපට එතරම් අමාරු කටයුත්තක් වුනේ නැහැ . අපේ විෂයමාලාව නිසා ඒ කාලයේ අසරණ ගෙම්බන් කීදෙනෙක් ජිවිත පුජා කලාද. ගෙඹි බිත්තර සොයා ගැනීම තමයි අමාරු වුනේ . සත්තු වත්තට ගොහින් ගෙඹි බිත්තර සොයන් ආ ගමන හරිම විනෝදයි . තරුණ සත්ව වේදීන්ගේ සංගමයේ දන්නා කියන අය උන් නිසාත් සත්තු වත්තේ අධ්‍යක්ෂවරියක් අපගේ ගුරුතුමෙක්ගේ බිරින්දෑ වූ නිසාත් අපට ඒ සඳහා අවසර ගැනීම පහසු වුනා . අපි කෙල්ලෝ පස් දෙනෙක් විතර හිටිය ඔය වගේ ගමන් බිමන් වලට නම් දරාපු. හිතුනොත් දෙයක් කොහොම හරි කරන්න හිතන . අද වගේ ඉන්ටර්නෙට් සෙල් ෆෝන් තියා අපේ දිහා රුපවාහිනියක් වත් නොතිබුන කලෙක සමහර විට අද ආපහු හැරිලා බලද්දී පුදුමත් හිතෙන විදියට අපි වැඩ කලේ . මෙතනට ආදාල නැතත් මේ ටික කිව්වේ අපේ සත්තු වත්ත කොයිතරම් අධ්‍යාපනයට යොදා ගන්න හැකිද කියල කියන්නත් ඒ කාලයේ ලස්සන මතකයක් මතක් වුන නිසාත් . මේවා කවදාවත් පිළිවෙලකට නම් ලියවෙන එකක් නැහැ මෙහෙම තැන්වල මිසක . ඉතින් මේ පර්ත් කෞතුකාගාරයට ආයේ යමුකෝ . අලි කොටි වලස් කැන්ගරු සහ එකී නොකී ඕස්ට්‍රේලියාවේ ඉන්න නොඉන්න සත්තුන්ගේ ඇට සැකිලි ..වගේම පුළුන් පුරෝපු එවුනුත් සැහෙන හිටිය . දැකපු ලොකුම සමනල් එකතුව එතන තිබුන .     කෝලා මෙයා ඉස්සර ඉන්න ඇත්තේ මෙහෙම    තල්මහගේ කොඳු ඇටයක්    ස්වභාවික අංශය ඇරුනම අබෝරිජිනල් ඉතිහාසය ගැන වෙනම කොටසක් වෙන් කරලා තිබුන එකත් මගේ සිත ගත්ත . එතැනදී පින්තුර ගැනීම තහනම් . අබෝරිජිනල් නිජබිම් ..බ්‍රිතාන්‍ය ජාතිකයින් සහ ඔවුන් අතර ඇති වුන ගැටුම් වගේ දේවල් ගැන ගොඩක් විස්තර තිබුන . ඒ වගේම අබෝරිජිනල් වරු සහ සුදු ජාතිකයින් අතර විවාහ පවා සිදුවෙලා තියෙනවා . සමහර සුදු ජාතිකයින් අබෝරිජිනල් වරුන්ගේ නිදහස වෙනුවෙනුත් වැඩ කර ඇති බව දක්නට ලැබුන . ජීවයේ සම්භවයේ සිට සත්ව පරිනාමයත් පෘථිවි ගර්භයේ ඇති වටිනා පාෂාණ ගැනත් සැහෙන විස්තර තියෙන අංශයකුත් එහි තියෙනවා . අධ්‍යාපනය ලබන අයට හරිම වැදගත් .    කැන්ගරු දත් වලින් හදපු මාලයක්  අබෝරිජිනල් වරුන්ගේ ආයුධ ... බ්‍රිතාන්‍ය ගැන විශේෂ ප්‍රදර්ශනයක් තිබුන ඒ දවස්වල . මේ තියෙන්නේ වික්ටෝරියන් රැජිනගේ කළු ඇඳුමක් . එයා සැමියා මිය ගියාට පස්සේ අන්දේම කළුලු. චිත්‍රපටයේ නම් හිටියේ කෙට්ටු ලස්සන නිලියක් . මේ ගවුමේ තරමට නම් ...???  අපි වැඩිහරියක් ගත කලේ පොඩි අයට පුංචි පුංචි ක්‍රියාකාරකම් කරන්න තිබුන අංශයේ . මෙතනදිත් මට තියෙන ලොකුම ප්‍රශ්නේ අපේ බනිය නැති පින්තුරයක් හොයා ගන්න බැරි එක . පර්ත් කියන්නේ සමුද්‍රාසන්න නගරයක් . මේ වගේ තැනක මින් මැදුරක් අනිවාර්ය අංගයක් වෙනවා . ඔබා මාමා පුද්ගලිකව තමන්ගේ වටිනා කාලය කැපකරලා අපව එක්කරගෙන ගිය තැන් වලින් එකක් තමයි මින් මැදුර. මගේ ජිවිත කාලය තුල මන් මින් මැදුරු සැහෙන ගානකට ගිහින් තියෙනවා . කොච්චර දැක්කත් මාළු දකින්න අපි කවුරුත් ආසයිනේ . පොඩි සහ ලොකු ළමයි සේරම මාළු බලන්න නම් කැමති වුනා .  මෙන්න බලන්න අපේ ඔලුව උඩ විශාල මෝරු . විදුරු හය්ය හන්ද හොඳයි     කොහොමද දත් සෙට් එක     සිංහ මාළුවා ..ෂර්ලොක් හොල්ම්ස් කතාවක විෂ සහිත මේ මාළුවා ගැන තියෙනවා මතකද    මේ බෝට්ටු විනෝදෙට මුහුදු යන අයගේ ..බටහිර චිත්‍රපටවල මෙවැනි දර්ශන දැක තිබෙනවා නේද  ඔස්ට්‍රේලියාව කිව්වම අපිට මතක් වෙන්නේ අපේ පාර අයින් වල වෙල්යායවල් වල ඉන්න මීහරක් වගේ පාරවල් පුරාම කැන්ගරු ඇති කියානේ . කටුගෙයි පුළුන් පුරෝපු එව්වෝ ඇරුනම උද්‍යාන වල තමයි උන්ව දකින්න පුළුවන් වෙන්නේ පර්ත් වලදී නම් . අපි සත්තු වත්තට නම් ගියේ නැහැ . ආරණ්‍ය සේනාසනයට ගිය ගමනේදී අතරමග තැනක අපිට සොයා සොයා හිටි කැන්ගරු වන්ව හමු වුනා .      මේ දිනය සුදු අය සතුටින් විනෝදෙන් සැමරුවට ස්වදේශීය අබෝරිජින් කට්ටිය ට මේක සතුටින් සමරන්න බැරි එක අහන්න දෙයක් නැහැනේ . සුදු අය එදා නිවාඩුව කෙළිදෙලෙන් ගත කරද්දී සමහර අබෝරිජිනල් සංවිධාන පෙළපාලි විරෝධතා සංවිධානය කර තිබුන . ඔසී අගමැතිනිය හොඳ පෙනුමැති කාන්තාවක් .නම ජුලියා ගිලාර්ඩ් ..මෙයා විපක්ෂ නායකයත් එක්ක [ අපේ වගේම තමයි මෙයා එයාල සමගියි ] පදක්කම් පිරිනමන කටයුත්තක යෙදිලා ඉදිද්දී අබෝරිජිනල් පෙලපාලිකරුවන්ගේ ප්‍රහාරයකට ලක්වෙලා . එක සපත්තුවක් ගැලවිලා තනි සපත්තුවෙන් තමයි ඇය ආරක්ෂකයින්ගේ උදව්වෙන් වාහනයට ගොඩ වෙලා තියෙන්නේ . මෙතන තියෙනවා පින්තුර සහ වැඩි විස්තර   |
| You are subscribed to email updates from නෙළුම් විල To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
