බිලොග් එකතුව: Wednesday, January 02, 2013

Wednesday, January 02, 2013

නෙළුම් විල

Posted: 01 Jan 2013 06:56 AM PST

''ලංකාවට ගිහින් ආමි . ''
ලෙහෙසි පහසු වචන තුනේ වාක්‍යයකි

දුවල පැනල එකතු කරපු
සුට්කේස් පහේ තියෙන
කිලෝ අනු නමයට නම් වඩා වැඩියි
පොඩ්ඩක් හරි ..

අකුරු තුනේ බර කිරුවොත්

එල්ලා ඇති බරට බරේ
හමු වන්නට දුන් පොරොන්දු

එක වචනෙක අමුණා ඇත
අම්මලාගේ කඳුළු බින්දු

තුත්තිරි වාගේ ඇලවී
ගලවා ගනු බැරුව ගිහින්

''අනේ අපිව අරන් යන්න ''
යයි කිය කිය

පරණ පාරවල යනකොට
වැටිල තිබුන පරණ මතක

''ලංකාවට ගිහින් ආමි ''

හරිම බරැති වචන තුනකි